Қостанайда бір пәтерден 9 миллион теңгеге жуық ақша мен алтын бұйымдар ұрланды, деп хабарлайды Caravan.kz медиа-порталы Халық үніне сілтеме жасап.
Күдікті үй иелері болмаған кезде пәтерге кіріп, 8,9 млн теңге ақша мен алтын бұйымдарды ұрлап әкеткен. Алайда ол ізін суыта алмады. Қостанай қаласының ПБ қызметкерлері криминалдық полиция басқармасындағы әріптестерімен бірге күдіктіні анықтап, одан ұрланған қаражат пен алтын бұйымдардың жартысын тәркіледі.
Қазір Қылмыстық кодекстің 188-бабына сәйкес сотқа дейінгі тергеу басталды.