Бұдан бұрын да хабарлағанымыздай, Сырдария ауданында Амангелді елдімекенінде 29-сәуірде облыстық жұқпалы аурулар ауруханасына 24 жастағы әйел ауыр түрдегі қырым-конго қанды безгегі деген күдікпен жатқызылды. 30-сәуірде дәрігерлердің кеңесі диагнозды растады, науқас әйелдің жағдайы ауыр. Науқаспен қарым-қатынаста болған 9 адам анықталып, облыстық жұқпалы аурулар ауруханасында бақылауға алынды.
2-мамырдағы 18 сағаттағы жағдаймен науқас әйелмен қарым-қатынаста болған деп ауруханаға жатқызылған ер адамнан дәрігерлердің консилиумы клиникалық белгілеріне қарай ауыр түрдегі қырым-конго қанды безгегі деген диагнозды анықтады.
Ауру ошағында эпидемияға қарсы шаралар қолданылуда.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті