Сабаққа барғысы келмеген: оқушы мектепке жарылғыш зат қойылғаны туралы хабарлады - kaz.caravan.kz
  • $ 450.79
  • 482.21
+26 °C
Алматы
2024 Жыл
15 Маусым
  • A
  • A
  • A
  • A
  • A
  • A
Сабаққа барғысы келмеген: оқушы мектепке жарылғыш зат қойылғаны туралы хабарлады

Сабаққа барғысы келмеген: оқушы мектепке жарылғыш зат қойылғаны туралы хабарлады

"Мектепке жарылғыш зат қойдым" деп хабарлап, бұл іске жауапты мамандардан 10 миллион теңге ақша аударуды талап еткен.

  • 19 Қыркүйек 2023
  • 18
Фото - Caravan.kz

Таразда сабаққа барғысы келмеген 8-сыныптың оқушысы "Мектепке жарылғыш зат қойдым" деп хабарлап, бұл іске жауапты мамандардан 10 миллион теңге ақша аударуды талап еткен. Жойқын жарылыс жайындағы хабарлама Білім басқармасының телеграм бот желісіне түскен, деп хабарлады Caravan.kz медиа-порталы 31 арнаға сілтеме жасап.

Құзырлы орган қызметкерлерін аяғынан тік тұрғызған хабарламадан соң саперлер мектеп ішін түгел тінтіп шыққан. Бірақ ғимараттан ешқандай қауіпті, жарылғыш затты таппаған. Ал хабарлама түнде түскен соң ешкімді эвакуациялаудың қажеті туындамапты. Белгілі болғандай, бұл туралы хабар таратып, 10 миллион теңге талап еткен бала сол мектептің сегізінші сынып оқушысы болып шықты. Кәмелет жасына жетпеген оқушының ата-анасы жауапқа тартылуы мүмкін. Қолданыстағы заң бойынша, әбігерден келген шығын өтеледі. Тіптен қылмыстық іс қозғалып, әкесін бас бостандығынан айыру да көзделген.

"Осы дерекке қатысты ҚР ҚК 273-бабы, яғни терроризм актісі бойынша көрнеу жалған хабарлама үшін сотқа дейінгі тергеу амалдары басталды. Мұндай хабарлама түскен жағдайда барлық мүдделі мемлекеттік органдар жұмыс жасайды"- , дейді Полиция басқармасының баспасөз хатшысы Гүлсара Мұхтарқұлова 


Соңғы жаңалықтар