Сауд Арабиясында ауруханада болған өрт салдарынан 25 адам қаза болды

Бейсенбіде Сауд Арабиясында ауруханалардың бірінде болған өрт салдарынан 25 адам қаза болып, жүзден аса адам жарақат алды, деп хабарлады елдің азаматтық қорғаныс министрлігі. Оқиға болған орыннан БАҚ хабарлағандай, өрт аурухананың бірінші қабатында интенсивті терапия бөлімінде басталған. Зардап шеккендер басқа медициналық ауруханаларға ауыстырылды. Өрттің неден басталғандығы әлі анықталмаған, тергеу жүргізілуде.