Полиция қызметкерлерінің мәліметінше, 1983 жылы туған Феруза Корчиева алаяқтық жолмен өзінің танысының 12 миллион 700 мың теңгесін қолды еткен, деп хабарлайды Caravan.kz медиа-порталы.
Ол жәбірленушіні «банкте кепілде тұрған мүлкіңді шығарып беремін» деп сендіріп, ақшаны алған соң хабар-ошарсыз ізін суытқан.
Аталған дерек ҚР ҚК-нің 190-бабы 4-бөлігі бойынша тіркелді. Алайда әйел тергеу мен соттан бой тасалап жүр. Феруза Корчиева соңғы рет денсаулығының нашарлауына байланысты жедел жәрдеммен ауруханаға жеткізіліп, сол жерден қашып кеткен, – делінген полиция хабарласында.
ПБ өкілдері суретте көрсетілген әйелді көрген-білгендер болса, бірден полицияның «102» арнасына немесе 8 (7252) 33-98-42, 8-702-757-79-57, 97-60-09 байланыс нөмірлеріне хабарласуды сұрайды.