Шымкентте атақты саябақ тағы отқа оранды

Шымкенттегі қымбат ағаштар отырғызылған атақты дендрарий тағы отқа оранды. Жалынның неден тұтанғанын өрт сөндірушілер де, саябақ қызметкерлері де әлі айта алмай отыр.

Қураған шөп пен жинаулы тұрған бөренелер өрттің лезде 300 шаршы метр жерді шарпуына сеп болды. Тіпті саябақ ішіндегі электр бағаналары да жанып кеткен. 15 арнайы көлікпен 80-ге жуық адам тілсіз жаумен 2 жарым сағат бойы арпалысты. Қазір өрттің шығу себебі мен шығын көлемі есептеліп жатыр.