Шымкетте шәкіртақысын ойынға тіккен студент саябаққа келген қызды тонап кеткен - kaz.caravan.kz
  • $ 448.89
  • 477.93
+19 °C
Алматы
2024 Жыл
18 Сәуiр
  • A
  • A
  • A
  • A
  • A
  • A
Шымкетте шәкіртақысын ойынға тіккен  студент саябаққа келген қызды тонап кеткен

Шымкетте шәкіртақысын ойынға тіккен студент саябаққа келген қызды тонап кеткен

Шәкіртақысын ойынға тіккен шымкенттік студент саябаққа келушіні тонап кеткен.

  • 28 Қыркүйек 2023
  • 17
Фото - Caravan.kz

Тұран АПБ-ның “102” арнасына түнгі уақытта телефон ұрлығы туралы арыз түскен. Құрбысымен саябаққа серуендеуге барған азаматша құны 150 мың теңге тұратын смартфонынан айырылып қалғанын жеткізген, деп хабарлайды Caravan.kz медиа порталы Polisia.kz-ке сілтеме жасап.

Бейтаныс жігіт алдымен жәбірленушінің құрбысынан сөйлесіп алу үшін гаджетін уақытша сұрап, іздеген адамымен байланыса алмаған соң кері қайтарып берген. Кейін интернет арқылы хабарласып көру үшін, екінші бойжеткеннің телефонын алып, бірден қаша жөнелген.

Оқиға орнына дереу учаскелік полиция қызметкерлері барған. Олар жергілікті тұрғынның сипаттамасы бойынша ер адамның қашқан бағытын анықтап, жедел іздестіру шараларын жүргізген. Атқарылған жұмыстардың нәтижесінде күдікті 3 сағаттан соң қала көшелерінің бірінде ұсталып, полиция басқармасына жеткізілген.

Белгілі болғандай, студент анасына беруге келіскен шәкіртақысын ойынға тігіп ұтылып қалғаны, кейін сол ақшаны орнына қою үшін амалсыз осындай қадамға барғаны анықталған. Ол ұрланған мүлікті ломбардқа өткізуді жоспарлаған.


Қазіргі таңда смартфон заңды иесіне қайтарылған.

Аталған жайтқа қатысты ҚР ҚК-нің 191-бабы (Тонау) бойынша сотқа дейінгі тергеу амалдары жүргізіліп жатыр.

 

Соңғы жаңалықтар