Т. Бекмамбетов Рим кинофестивалінің қазылар алқасы құрамына кірді

Бекмамбетовтен басқа қазылар алқасының құрамына ирандық актриса Лейла Хатами, Эдинбург халықаралық кинофестивалінің көркемдік жетекшісі Крис Фудживара, аргентиналық жазушы әрі сценарист Эдгардо Козаринский, австралиялық режиссер П.Дж.Хоган, сондай-ақ итальяндық актриса Валентина Черви кіреді. Жас американдық режиссер Джефф Николс қазылар алқасының төрағасы болады. Жетінші Рим кинофестивалі 9-17 қараша аралығында "Аудиториум" киноконцерт кешенінде және Италия астанасының басқа да мәдени орындарында өтеді. Негізгі конкурсқа 15 картина қатысады.