«Қарапайым парасатты ойлау, жаһандық және аймақтық қауіпсіздік үшін жауапкершілік әлемдік қоғамдастықтың бұл қауіпке (ИМ) қарсы күш жұмылдыруын талап етіп отыр. Геосаяси менмендікті қоя тұрып, қосарланған стандарттардан, жеке конъюктуралық мақсаттарға жету үшін, соның ішінде кім-кімге болсын жағымсыз үкіметтер мен режимдердің ауысуы үшін жекелеген лаңкестік топтарды тікелей немесе жанама пайдалану саясатынан бас тарту керек», — деді В.Путин.
Ресей Федерациясының Президенті сондай-ақ Сирияның заңды билігін қолдау босқындардың бұл елден жаппай кетуімен еш байланысты емес екенін атап өтті. Оның айтуынша, Сирия әскерінсіз лаңкестерді аймақтан қуу мүмкін емес.