Жапония жағалауында жер сілкінісі болды

Жерасты дүмпулері Хонсю аралындағы Иватэ префектурасында орналасқан Мориоко қаласынан 125 шақырымдай жерде тіркелді, деп хабарлады Utro.ru сайтынан. АҚШ-тың Геологиялық қызметінің ақпараты бойынша зілзала кіндігі 39,6 шақырым тереңдікте болған. Қираулар мен құрбан болғандар туралы әзірге ешқандай ақпарат жоқ. Естеріңізге сала кетейік, үстіміздегі жылы 11 наурызда Жапония жағалауында болған 9 балдық жер сілкінісі мен соның салдарынан болған цунами 13 мың адамның өмірін қиған еді. Табиғат апаты сондай-ақ «Фукусима-1» атом-электр стансасындағы апатқа себеп болып, ол апаттың салдарын жою жұмыстары әлі жалғасып келеді.