ШҚО-да жойқын дауыл тұрғын үйлер мен ғимараттардың шатырларын жұлып кетті

Әзірге ТЖ қызметіне аймақтағы бес ауылдан 12 оқиға туралы мәлімет келіп түсті. Белқарағай ауылында жел бес тұрғын үйді, ал Көкбастау ауылында - төрт үйді шатырсыз қалдырған, Топқайың ауылында жекеменшік үйдің шатыры дауылға төтеп бере алмаған.

Бесүй және Ново-Поляковка ауылдарында қатты жел жалпы аумағы 430 шаршы метр болатын астық қоймасының шатырын жұлып кетті. Бұл қоймалар 2000 жылдардың басында салынып, екі жыл бұрын күрделі жөндеуден өткен.