Түркістанда өз өзін өртеген 20 жастағы жігіт қайтыс болды - kaz.caravan.kz
  • $ 464.72
  • 496.32
+31 °C
Алматы
2024 Жыл
23 Маусым
  • A
  • A
  • A
  • A
  • A
  • A
Түркістанда өз өзін өртеген 20 жастағы жігіт қайтыс болды

Түркістанда өз өзін өртеген 20 жастағы жігіт қайтыс болды

Түркістанда өз өзін өртеген 20 жастағы студент қайтыс болды деп хабарлайды Азаттыққа Түркістан қалалық орталық ауруханасы бас дәрігерінің орынбасары Хамза Досжанов.

  • 14 Желтоқсан 2015
  • 655
Фото - Caravan.kz

Ауруханаға денесінің 90 пайызын күйік шалып түскен 20 жастағы жігіт 13 желтоқсанға қараған түні қайтыс болды. Марқұмның денесі мәйітханада. Туғандары құжаттардың бәрін рәсімдеп, алып кетеді, – дейді Хамза Досжанов.

Түркістанда өз өзін өртеген 20 жастағы студенттің ауруханаға түскенін Оңтүстік Қазақстан облыстық ішкі істер департаментінің (ОҚО ІІД) баспасөз қызметі хабарлаған болатын.

ІІД баспасөз хатшысы Салтанат Қаракөзова Түркістан қалалық ішкі істер басқармасына өз өзін өртеу туралы хабар 7 желтоқсан күні түнде ауруханадан жеткенін мәлім еткен. Полицияның айтуынша, алдын ала тексеру барысында қаладағы оқу орындарының бірінде оқитын студенттің өз өзін өз үйінде өртегені анықталған. Жігіттің денесінің 90 пайызын күйік шалған.

Қаракөзованың сөзінше, бұл оқиға бойынша қылмыстық кодекстің 105-бабы бойынша («өз-өзін өлтіруге дейін жеткізу») сотқа дейінгі тергеу амалдары жүріп жатыр. Қазір полиция оқиғаның жай-жапсарын анықтап жатыр.

Соңғы жаңалықтар
Хиджап киюге тыйым салынды
Жаңалықтар 23 Маусым